1. 介紹
唔知你成長嘅過程中，有冇睇過宮崎駿的卡通呢？
我係一個七十後，成長嘅時候，就係睇住龍貓同埋天空之城的卡通長大，到而家我已經一把年紀，而唔知點解，無論你幾大年紀，只要睇返宮崎駿嘅動畫，都會即刻覺得內心好舒服！佢嘅動畫到底有什麼魔力，可以跨越文化同年齡，去療癒這麼多不同的人
2. 宮崎駿背景
宮崎駿出生於1941年日本，爸爸係二戰期間，經營一間飛機零件工廠，所以係佢嘅電影入面，你成日都會見到飛機的畫面。他在1963年開始動畫生涯，他參與了很多部動畫嘅制作。到1984年，佢推出左風之谷，奠定左係動畫界的地位。
3. 宮崎駿所畫的動畫
佢嘅動畫最特別的地方，就係用咗一種好純真同溫柔嘅視覺語言，去講述好深刻的人生道理。唔係用複雜嘅對白去解釋世界，反而係用一啲極簡單嘅畫面，提醒你返返去初心，重新睇返你身邊嘅一切。例如係「千與千尋」裡面，佢叫我地唔好忘記自己個名，要永遠緊記自己嘅初心。同埋唔知你有冇發現，佢嘅動畫裡面嘅主角通常都係小朋友或者青少年？佢好鍾意用呢種純真嘅視角，去講返我哋呢個世界本來就係咁簡單、咁美好，令你喺睇嘅過程中，不知不覺重拾返初心。當然，佢每一套動畫裡面既配樂都係一絕，而家一聽番D音樂，就會即刻有番晒畫面！
佢嘅動畫，通常都係表現一啲好細膩嘅感情，例如陪伴、關懷、同理心等等。《龍貓》，就係透過講一對姐妹同森林裡面嘅龍貓做朋友。而你會發現，當你睇緊嘅時候，嗰種純真同快樂嘅氣氛，會令你不知不覺中，放低咗好多內心嘅包袱同壓力。令我地重新記得，原來快樂係可以咁簡單，原來快樂唔一定要成功或者有錢，反而係一種簡單嘅陪伴同真誠嘅感受。
4. 宮崎駿的理念
宮崎駿用四十年時間證明，真正治癒人心嘅，唔係逃避現實的烏托邦，而係承認世界殘酷的同時，仍願意相信微小並且善意的力量。佢嘅動畫就好似會呼吸的時空膠囊，將人類最珍貴的純真同埋勇氣，封存係每一格手繪嘅菲林裏面——呢份穿越時代的溫柔，正正就係令全球觀眾反覆重溫嘅魔法根源。
所以，若果今日我地覺得生活好壓抑、又或者係覺得工作好攰嘅時候，我地不妨再睇返宮崎駿嘅動畫，你會發現佢好似喺度提醒你：「放輕鬆啲，其實人生唔使咁急。」
5. 總結
佢嘅作品之所以能治癒我地幾代人，就係因為佢教識咗我哋，唔需要刻意追求太多物質同地位，反而佢不斷係度提醒我哋，保留返內心嘅純真同真誠，咁先係真正嘅成功。