SCP Day03 【從反應到回應】功課 – Lilian小組

一）事件：
話說上完堂成班學員一齊食宵夜啦～朋友A 食食吓飯傾傾吓偈突然之間就係大家面前PST我，然後P左兩句之後我就同朋友A講：「等等先！多謝你，而係我依家真係好攰，我知你愛我，而係我冇辦法再咁樣俾你P落去」
就係咁樣我中斷咗我哋之間嘅對話🫠
（朋友A如果你睇緊呢篇功課嘅話，希望你唔好介意🥹如果喺睇嘅期間唔小心產生咗少少有責備感我都明白會係人之常情🥹而係希望你知道我真係唔係出於呢個意圖，我知你好愛我，我都好愛你，只係呢啲情緒係我需要面對嘅課題，我真係愛你㗎😘🥹）
–
二）情緒：尷尬、抗拒、不爽、自大、內疚、妒忌、無助
–
三）
1.基於「我希望我嘅內心感受不被其他人知道」的期望不被滿足，所以我有「尷尬」的情緒產生
2. 基於「我希望我夠強大令你知道係PST我之前係需要我嘅”授權”」的期望不被滿足，所以我有「抗拒」的情緒產生
3. 基於「我希望其他人唔好隨意去窺探我嘅心事，甚至拎嚟當茶餘飯後嘅話題」的期望不被滿足，所以我有「不爽」的情緒產生
4. 基於「我希望有人認同我有足夠嘅智慧去睇自己」的期望不被滿足，所以我有「自大」的情緒產生
5. 基於「我希望我自己可以感謝同感恩朋友嘅關心」的期望不被滿足，所以我有「內疚」的情緒產生
6. 基於「我希望我有身份、經驗同權力去PST人地」的期望不被滿足，所以我有「妒忌」的情緒產生
7. 基於「我希望其他同場嘅朋友會幫我制止佢」的期望不被滿足，所以我有「無助」的情緒產生
–
四）我的信念是什麼？
1.令我「尷尬」嘅信念係當「我嘅感受唔應該咁容易俾人知道」
2. 令我「抗拒」嘅信念係「我夠強大就會得到尊重」
3. 令我「不爽」嘅信念係「人嘅心事需要被嚴肅對待」
4. 令我「自大」嘅信念係能夠「我要有智慧」
5. 令我「內疚」嘅信念係「我不值得被關心」
6. 令我「妒忌」嘅信念係「權力大/地位高就可以冒犯別人」 （***這是歪念***）
7. 令我「無助」嘅信念係「我夠強大先會被愛」
–
五）我承認我睇到自己什麼？
1.我承認原來我唔係咁願意俾人知道我嘅感受
2.我承認我有向侵略者認同
3.我承認我當下嘅反應其實會傷害到對方嘅善意
4. 我承認我將別人對待自己嘅行為同自己嘅價值掛鉤
5. 我承認我渴望權力
6. 我承認我其實幾冇禮貌
7. 我承認我想被大家認同
–
六）我選擇決定怎樣去做？
1.我選擇保持謙卑，唔好覺得自己啲心事咁巴閉
2. 我選擇終止向侵略者認同
3. 我選擇唔好咁自我中心，喺顧及對方嘅感受
4. 我選擇將別人對待自己嘅行為同自我價值脫鈎，其實真係唔關事🚬
5. 我選擇承認接納自己對權力嘅追求
6. 我選擇追求權力嘅同時不能放棄「三好」原則（詳情請重溫《宮心計》🥰）
7. 我選擇自己要認同自己先
–
七）在這件事上看到我感恩的位置是什麼？
1. 我感恩我嘅朋友A關心我
2. 我感恩朋友A無嬲9我（可能你有，而係掩飾得太好🥹🥰）
3. 我感恩嗰一餐飯食得好開心
4. 我感恩當下我冚得埋個屎蓋
5. 我感恩我察覺到一啲歪念
6. 我感恩嗰一晚就有可以拎嚟交功課嘅素材，Yeah✌🏼🚬
7. 我感恩我對自己嘅了解多咗
（原來真係好赤裸喎親，唔知仲可以捱到咁樣剝爛自己到幾多輪🚬🫠）